గెరిల్లా యోధుడు

నేనీ నేల మీద
ఓ... అద్భుత గెరిల్లా
యుద్ధ సైనికుణ్ని చూశాను
కేవలం సైనికుడు మాత్రమే కాదు!
గొప్ప కలం యోధుడు
తన కవిత్వంతో
శవాలను సైతం
కవాతు చేయించ గల
కమేండర్!
ప్రతి అంశాన్ని
మైక్రోస్కోప్‌తో
నిశతీకరించ గల
ఆర్గానిక్ ఇంటెలెక్చువల్
ఫీనిక్స్ పక్షిలా ఎగిరి
ఎగిరిపడే అలల అంచున
నిలబడి, ఎన్నో
కలలు కనగలడు
నడిరేతిరి
చీకటడివిలో
మిణుగురు పురుగై
తిరుగాడగలడు
నడుస్తున్న చరిత్రపై
చెరగని సంతకం చేసి
మండే మాదిగ డప్పులా
ఉదయించిన సూరీడై
చినుకుల్లో చిందేస్తాడు
నా యవ్వనాన్ని నాకిమ్మని
కాలాన్ని ప్రశ్నించిన
ఉద్యమ నెలబాలుడు
జాఫ్నాలో మందుపాతరై పేలి
అమరత్వం సొంతం చేసుకున్న
నల్లసూరీడు... శివసాగర్

- కత్తి కళ్యాణ్
97038 39766


- కత్తి కళ్యాణ్
http://andhrajyothy.com/vividhaNewsShow.asp?qry=2012/apr/23/vividha/23vividha4&more=2012/apr/23/vividha/vividhamain&date=4/23/2012