ఆకాశంలో సగం

ఆకాశంలో సగం నీవు
అనంత కోటి నక్షత్రాల్లో
సగం నీవు సగం నేను

తూర్పు పవన సంగీతంలో
రాగం నీవు తానం నేను
మనిద్దరం కలిసి
ఉద్యమిస్తే ఉప్పెన
మనిద్దరం కలిసి
విప్లవిస్తే విజయం
ఆకాశంలో సగం నీవు

విప్లవ పథంలో మనిద్దరం
ఒకరినొకరం బాస చేసుకొనేవేళ
విప్లవ పథానికి మనిద్దరం
కలిసి కట్టుగా బాస చేసిన వేళ
త్యాగం మన పేరు
పోరాటం మన ఊరు

ఆకాశంలో సగం నీవు
అనంత కోటి నక్షత్రాల్లో
సగం నీవు సగం నేను
విప్లవాకాశంలో

మావో కవితకు అనువాదం
చేసిన కవి శివసాగర్
http://patrika.teluguwebmedia.in/2010/03/blog-post_2561.html